Ind disable

2013, മേയ് 23, വ്യാഴാഴ്‌ച

കവിതകൾ 16

ഗൗരവം
----------
കാര്യഗൗരവത്തെ 
മുഖയാഭരണമാക്കിയണിഞ്ഞു 
ഉള്ളിന്റെ ഉൾ അറയിൽ 
ഒരാൾക്ക് എത്ര കാലം 
ഒളിഞ്ഞു കഴിയാൻ സാധിക്കും ?
അവനവനാവാൻ 
കഴിയാത്തവന്റെ 
ഒരു നെടുവീര്‍പ്പ് കൊണ്ട് 
ദയനീയ ചിത്രം കണ്ണുകളിൽ 
നിഴലിക്കുന്നത് വരെയെങ്കിലും ...

2013, മേയ് 19, ഞായറാഴ്‌ച

കവിതകൾ 15

ശരിയായദിശയില്ലെന്ന് 
ധരിക്കുന്നവരുടെ 
പാതയിൽ 
തെറ്റിധാരണയുടെ 
ഫലകങ്ങൾ 
അങ്ങിങ്ങ് പതിച്ചു 
വെച്ചിരിക്കുന്നുണ്ടാവും 
പക്ഷെ 
അവരവരുടെ നേർരേഖയിൽ
വിഘ്നങ്ങൾ സംഭവിക്കാത്തവരാണ് 
ആ പാതയുടെ 
പുനർനിർമ്മതാക്കൾ

2013, മേയ് 15, ബുധനാഴ്‌ച

കവിതകൾ 14

എഴുതി തീർക്കേണ്ട കുപ്പിയിലെ മഷി 
ഒറ്റതട്ടിൽ മറിച്ചു കളയുന്നത് ,ആത്മഹുതി


2013, മേയ് 8, ബുധനാഴ്‌ച

കവിതകൾ 13





എഴുതുമ്പോൾ കൈ വെള്ളയിളിലൂടെ  
ചോര്ന്നു പോകുന്നു, കവിത 
-------------------------------------------------

ചിലത് 
ഒരിക്കെലെങ്കിലും വായിക്കാത്തവർ 
ഇപ്പോഴെങ്കിലും വായിക്കണം 
ഇത് വരെ വായിക്കാത്തതിന്റെ 
നഷ്ട്ടബോധം 
അപ്പോൾ ആ മുഖത്ത് 
നിഴലിക്കുന്നത് നമ്മുക്ക് വായിച്ചെടുക്കാം 

2013, മേയ് 1, ബുധനാഴ്‌ച

കവിതകൾ 12






വളഞ്ഞു വളഞ്ഞു 
പോയതു;
നേരെ നേരെ 
പോയതു;
അതിരുകളിൽ ചേർന്നത്
സമം ! 
--------------
ഉറങ്ങുമ്പോൾ കാണുന്ന സ്വപ്നങ്ങളുടെ 
വ്യക്തതയൊന്നും
ഉണർന്നിരിക്കുബോൾ കാണുന്ന 
സ്വപ്നങ്ങൾക്കുണ്ടാവുന്നില്ല !
--------------
അറിഞ്ഞറിഞ്ഞറിയാതെയാവുന്ന ഉലകം 
നീ ,അപരിചിതൻ 
-----------------