നീ പെയ്യുമോ പെയ്യുമോയെന്നെ
സംശയത്തില്‍ ഞാന്‍ കരുതിയ 
കുട വെറുതെയാവുമോ ?

നീ വരുന്നതിനെ കുറിച്ച് 

ചിന്തിച്ചു ചിന്തിച്ചു 

നീയില്ലാത്ത കാലവും 

നീയുള്ളതുപോലെയായിമാറുന്നുവോ ?

അതോ ..

ഒരിക്കലും തുറക്കില്ലെന്നറിയുന്ന
വാതിലില്‍ വീണ്ടും വീണ്ടും മുട്ടുന്നവന്റെ 
ചിന്തയെന്തായിരിക്കും ?
ഒരിക്കെല്ലെങ്കിലും തുറക്കുമെന്നുതെന്നെയെല്ലെ 
അതോ ? !!

വെറുതെ

വെറുതെ പറയുന്നതാ ...
എല്ലാം വെറുതെ പറയുന്നതാ ..

ഒന്നും പറയാതിരിക്കുന്നില്ലെന്ന ബോധത്തില്‍ -
നിന്ന് കൊണ്ട് 
എന്തെങ്കിലും പറയാന്‍ തോനുന്നത്
പക്ഷേ 
എന്തെങ്കിലും പറഞ്ഞു പറഞ്ഞു 
വല്ല കാര്യവും പറയാനുള്ള പറപ്പാടെന്നു-
തോന്നിപോയെങ്കില്‍ 
നിനക്ക് തെറ്റിയിരിക്കുന്നു 
ഞാന്‍ ഒന്നിനെ കുറിച്ചും പറയുന്നില്ല.

ശീര്‍ഷകം ആവശ്യമില്ലാത്തത്

ഹോ ..

ഇപ്പോള്‍ ഇവിടെയിരുന്നന്റെ 

നെഞ്ഞടിപ്പിന്റെ ശക്തി വര്‍ദ്ധിക്കുന്നു .

എനിക്കുമുണ്ടൊരുപെങ്ങളങ്ങുഭാരാതമ്മയുടെ  മടിത്തട്ടില്‍ !  

------------

12-12-12

വര്‍ഷങ്ങള്‍ക്ക് മുന്‍പുള്ള 

നിന്റെ പുസ്തകതാളുകള്‍

ഇന്ന്  വീണ്ടും തുറന്നു നോക്കുന്നത് 

എപ്പോഴോ 

ആകാശം കാണിക്കാതെ 

നീ  സൂക്ഷിച്ച 

മയില്‍പീലി പ്രസവിച്ചോയെന്നു 

നോക്കാനല്ല  !

നിന്റെ ഹൃദയം കൊണ്ട് എഴുതിയ കുറിപ്പുകള്‍ 

വായിച്ചു  ഓമനിച്ചു  ഉറങ്ങാതെയിരുന്നു 

നമ്മള്‍ കണ്ട സ്വപ്ന നക്ഷത്രങ്ങള്‍ക്ക് 

ചിറക് വന്നോയെന്നും നോക്കാനുമല്ല  !

ഒന്നിനുമല്ല 

ആ പഴയ നല്ല ഓര്‍മളുടെ വീമ്പ് പറയാന്‍ മാത്രമാണ് !!