പട്ടുസാരി .!

ആ  മാവിലെ  കൊമ്പില്‍
സാരിത്തുബ് കേട്ടിയാടുന്നുണ്ട്

ഗൃഹനാഥന്‍.

ഉമ്മറപ്പടിയില്‍
ആര്‍ത്തു കരയുന്നുണ്ട്
ഗൃഹനായിക . 

ഭാര്യയുടെ
പള പളാ മിന്നുന്ന
കാഞ്ചിപുരം പട്ടുസാരിയിലാണ്
ആയാള്‍ തൂങ്ങിയതെന്നു
പിറുപിറുക്കുന്നുണ്ട്
അയലത്തെ സുന്ദരി.

അഗാധത

അഗാധത

തകരന്നു തരിപ്പണമായിങ്ങ്
അടിത്തട്ടിലെത്തുമ്പോഴാണ്
നമ്മളറിയുന്നത്
തകര്‍ച്ചയുടെ
അഗാധത.!!

ഒരു നല്ലനാള്‍ 

ഓരോ നാളും
മധുരം കഴിച്ചു
ശുഭാമായാരംഭിച്ചിരുന്ന
ഇന്നലെകള്‍

നാളെയാവട്ടെ നാളെയാവട്ടെയെന്ന്
നാളത്തേക്ക് മാറ്റിവെക്കുന്നുണ്ട്
ഇന്നത്തെ ഇന്നിനെ
 

ഒരു നല്ലനാള്‍ നോക്കുന്നുണ്ട്
മറ്റൊരു നല്ല നാളത്തേക്ക് .....

എല്ലാവര്ക്കും നവവത്സര ആശംസകള്‍!

ദൂരം......

രാവ് ഉറങ്ങി ഉറങ്ങി പകലിലെക്കുള്ള ദൂരമളക്കുന്നു  ! 
അതോ.. 
പകൽ നടന്നു നടന്നു രാവിലേക്ക് തളർന്നു വീഴ്ന്നോ ?
ജനനത്തില്‍ നിന്നു മരണത്തിലേക്കുള്ള ദൂരമൊരുനെട്ടോട്ടമാണ് 
മരണത്തില്‍ നിന്നു പുതു ജന്മത്തിലേക്ക് വരെ ശാന്തമാണോ ?

നീ പറയും പോലെ 
നിന്നില്‍ നിന്നും എന്നിലേക്കുള്ള ദൂരം അളന്നു ക്ലിപ്തപ്പെടുത്തി വെച്ചോള്ളൂ 
എന്നാൽ 
എന്നില്‍ നിന്നു നിന്നിലേക്കുള്ള ദൂരമൊരു ദൂരമോ ?
ഒന്ന് കണ്ണടച്ച് തുറക്കുന്ന ദൂരം മാത്രം 

എന്നിട്ടും എപ്പോഴാണ്
എനിക്കും നിനക്കുമിടയിലെ
സ്വപ്നങ്ങത്തിൽ നിന്നു ഞാനയറിയാതെ  നീ ഇറങ്ങി പോയത്   

വിശ്വസിച്ചാലും ഇല്ലെങ്കിലും

അവിശ്വാസിയും വിശ്വാസിയും
അവരവരുടെ വിശ്വാസങ്ങളില്‍
വിശ്വസിക്കുകയും
അവിശ്വസിക്കുകയും
ചെയ്യുമത്രേ !!!

വിശ്വാസി
വിശ്വാസിയവന്റെ  വിശ്വാസങ്ങളില്‍
വിശ്വസിക്കുമെങ്കിലും
അവിശ്വസനീയതയിലെ
വിശ്വാസങ്ങളില്‍ നിന്ന്
മുക്തമാകും ..!!

അവിശ്വാസി
വിശ്വാസത്തിന്റെ തിരസ്കരണം
അവിശ്വാസിയുടെ വിശ്വാസങ്ങളില്‍
ചില്ലപ്പോഴെങ്കിലും  വിശ്വാസത്തിന്റെ
വൈരുധ്യങ്ങള്‍ കണ്ടേക്കാം..!

ചെറിയ കവിതകള്‍

ഉദയം
ഏതോ പായ്ക്കപ്പല്‍ കപ്പിത്താന്റെ
അവധിക്കാല വിനോദം മാത്രമായിരുന്നു
പുതുസംസ്കാരത്തിന്റെ ഉദയം!
-----------------------------------------------------
പ്രത്യയശാസ്ത്രം

പ്രത്യയശാസ്ത്ര പ്രായോഗികതയുടെ പ്രായോജകരറിയുന്നുവോ
പ്രാണന്‍ കുരുങ്ങി ജീവന്‍ വെടിയുന്ന പ്രാവിന്‍റെ ആത്മനോവുകള്‍

വാദ പ്രതിവാദ ഭാഗ സം‌വാദങ്ങള്‍ക്കിടയില്‍ എപ്പോഴോ
നിരാലംബ ജന്മജന്മാന്തരങ്ങള്‍ തളിര്‍ത്തതും തകരുന്നതും ആരറിയാന്‍
---------------------------------------------

സുന്ദര സ്വപനം 

ആമാശയം നിറഞ്ഞവന്റെ ഗീര്‍വാണം
സൂചിക്കുഴലിലൂടെ ഒട്ടകം കടന്ന പോലെ
സുന്ദരവും സരസവുമായ ഒരു സ്വപ്നമാണ്...

ചൊറിച്ചില്‍...!!!

ചൊറിച്ചില്‍ ,എനിക്കും ചൊറിച്ചിലായാന്നെന്നു
പറഞ്ഞതാരായെന്നുയറിയാതെ
ഞാനും ചൊറിഞ്ഞുകൊണ്ടേയിരുന്നു

ഓരോ ചൊറിച്ചിലും പിരിച്ചേഴുതുബോഴാന്നു
ചൊറിച്ചിലിന്റെ വകഭേദങ്ങളെ ഞാന്‍ വായിച്ചെടുത്തത്

ചൊറിച്ചില്‍ ,

സുഖ ശീതള മുറിയില്‍ അമര്‍ന്നിരുന്ന
പത്രക്കാരന്‍റെ പോക്കറ്റിലെ
പേനക്കുമുണ്ട് .

മാനം മുട്ടെ പറന്നുയരുന്ന
പറവകളുടെ ചിറകിനോട്
കിരണങ്ങള്‍ക്കുമുണ്ട്.

തന്ത്രങ്ങളയറിയുന്ന മന്ത്രിയോടു
മന്ത്രം മാത്രമറിഞ്ഞ തന്ത്രിയുടെ
പൂന്നൂലിന്നുമുണ്ട്

പച്ച പരിഷ്കാരി പെണ്ണിന്‍റെ-
മുട്ടോളം താഴാന്‍ മടിച്ച -
പാവാടയോട് ചാവാലി -
പട്ടിക്കുമൊരു ചൊറിച്ചില്‍

വഞ്ചനയുടെ ലാഞ്ചനയില്‍
പിടഞ്ഞയമരുന്ന പ്രണയത്തിന്റെ
കനവിലൊരു ചൊറിച്ചില്‍

അപഥ സഞ്ചാര പാതയില്‍ നടത്തം
തുടരുന്ന 'സൗഹൃദ കൂട്ടത്തിനു
ഓര്‍മയുടെ ഓളങ്ങളിലൊരു ചൊറിച്ചില്‍


ഏതോ മൌനജാഥ
 ചൊറിഞ്ഞു ഉടച്ച
തെരുവ് പ്രതിമയോടു
 പാറി  പറക്കും കാക്കയ്ക്കുമൊരു ചൊറിച്ചില്‍

ചുമ്മാ ചൊറിഞ്ഞതായിരുന്നു
ചെന്ന് വീണതോ
ചൊറിഞ്ഞു തൊലിയും നഖവും പോയ
ചെന്നായ കൂട്ടില്‍

എല്ലാ ചൊറിച്ചിലും ചേര്‍ന്ന്
വ്രണത്തില്‍ നിന്ന് ചലമോലിച്ചപോള്‍
നായികുരണ രസായന പൊടി പുരട്ടിയാല്‍
മതിയെന്ന് വൈദ്യനായ വൈദ്യന്‍മാര്‍ എല്ലാം കല്പിച്ചു

(ചോറിയുന്നവര്‍
തുണിയുരിഞ്ഞു മുരിക്ക്‌ മരത്തില്‍
കയറാമെന്ന് ഒറ്റമൂലി മറന്നിട്ടല്ല ;
ഒരു ചേഞ്ച്‌ ആര്‍ക്കാണ് ഇഷ്ട്ടപെടാത്തത് )

ഈ നായികുരണ രസായന പൊടി
എവിടെ കിട്ടും എന്ന് അറിയാതെ
ഞാന്‍ വീണ്ടും വീണ്ടും ചൊറിഞ്ഞുകൊണ്ടേയിരുന്നു