കവിതകൾ 25

കാറ്റേ ,

എന്തിനാണ് ഇത്രമാത്രം 

കൊടുംക്കാറ്റാക്കുന്നു ?

പറഞ്ഞാൽ തീരുന്നതാണെങ്കിൽ 

പറഞ്ഞും കരഞ്ഞും  കലഹിച്ചും 

തീർക്കെന്റെ മരമേ ... 

_________________XXX______________

നിന്റെയൊരു നോട്ടം മതിയാവും പെണ്ണെ
ഏഴാന്നാകാശം വരെ കയറിയിറങ്ങി തിരിച്ചു വരാൻ....

________________XXXX_________________

പ്രണയിക്കുകയെന്നാൽ അവനവനോട് തന്നെ ചെയ്യാൻ സാധിക്കുന്ന 

ഏറ്റവും മഹത്തായ  വലിയ സഹനസമരമത്രെ ....

________________XXXX_________________

ഐസ് മിട്ടായിക്കാരന്റെ

മണിയൊച്ചക്കും

എനിക്കുമിടയിലെ 

തോട്ടിൽ വീന്നു കാണാതെ പോയ 

അമ്പതു പൈസ നാണയ തുട്ടിലെക്കാണ് 

ഐസ് ബെർഗ് പോലെ ഞാൻ ഉരുകി  തീർന്നത് 

_________ ********____________

കവിതകൾ 24

മരണമൊരിക്കലും
ചതിക്കിലെന്നറിയാവുന്നത് കൊണ്ട് മാത്രം
നിന്നെ പോലെ ഞാൻ മരണത്തെയും സ്നേഹിക്കുന്നു .....
മരണത്തിന്റെ കാൽപ്പാടുകൾ 
ഒരു കാതം എപ്പോഴും മുന്നില്ലാണ് ....... !!! 

കവിതകൾ 23

ഏതോയൊരു പൂവ് 

വാടികരിഞ്ഞു 

പ്രാണൻ വറ്റി 

വീണു പോയിട്ടുണ്ട് 

അല്ല ,

അത് നീ തന്നെയാണ് 

-------------XXX-------------

നീ ഇവിടെയുണ്ടാവുമെന്ന ഒറ്റ ഉറപ്പില്ലാണ് 

ശിശിരം  വിരുന്നിനു വരുന്നത് 

-------------XXX-------------

മാന്യതയുടെ പുറം മോടിയിൽ 

വിശുദ്ധി ഒരു അലങ്കാരമാണ് 

കവിതകൾ 22

അവിചാരിതമായതിന്റെ 

വിരോധാഭാസമാണ് 

അനിവാര്യതയുടെ 

ആദ്യ പാദുകം   

----------XXX----------

എന്റെ പ്രണയ കവിതകളെ 

കുറിച്ചു പറഞ്ഞു പറഞ്ഞു 

വലിയ കണ്ണുകള്‍ 

ഒന്നുകൂടി വിടര്‍ത്തി 

ഒരു ചെമ്പനീര്‍ പൂവ് പോലെ 

ചുവന്നു തുടിക്കുന്നുണ്ടാവും 

അവളുടെ കവിളിൽ .

പക്ഷെ ഇതൊന്നുമല്ലകാര്യം 

എന്റെ സ്നേഹത്തെ കുറിച്ചു 

പറയുമ്പോള്‍ മാത്രം 

അവളുടെ ഹൃദയത്തിന്റെ സ്ഥാനത്ത്

ഒരു ചെമ്പരത്തിപൂവാണെയെന്നു

അവളുടെ ചുണ്ടുകളില്‍ 

ഒരു ചിരിപൂത്തുകൊണ്ടിരിക്കും

----------XXX----------

നിഷേധിക്കുന്നത് പോലെതന്നെ 

സ്വീകരിക്കുന്നതും വിപ്ലവകരമായ 

സ്നേഹത്തിന്റെ  പുതുമ  തന്നെയാണ് 

കവിയെ തിരയരുത് (കവിത )

നിങ്ങൾക്കൊരു കവിയുടെ

കവിതകളിഷ്ടമായെന്നിരിക്കട്ടെ..,

വീണ്ടും വീണ്ടും വായിച്ചോളൂ

കവിതകളൊന്നൊഴിയാതെ വേണമെങ്കിൽ

മന:പാഠമാക്കിക്കൊള്ളൂ,

ഇടക്കിടെ ഓർത്തുകൊള്ളൂ,

ഒഴിഞ്ഞപാടങ്ങളിലോ, ടെറസ്സുകളിലോ

ഒറ്റയ്ക്കിരുന്ന് നിങ്ങളോടുതന്നെ

ആ കവിതകൾ മൂളിക്കൊള്ളൂ…

പക്ഷേ.. ഒരിക്കലും..

ഒരിക്കൽപ്പോലും അയാളെ തേടിച്ചെല്ലരുത്..

.

കവിയെ നേരിൽക്കാണുമ്പോൾ

ചിലപ്പോൾ കവിതയോടുള്ള

നിങ്ങളുടെ ഭ്രാന്ത്

ഒരു മുട്ടത്തോടുപോലെ ഉടഞ്ഞുപോയെന്നു വരും..

എഴുതുന്ന കവിതകളിലെ ആർദ്രത

കവിയുടെ മനസ്സിനുണ്ടാവണമെന്നില്ല.

ഓളമിടുന്നൊരു അരുവിപോലെ

അയാളുടെ ഹൃദയം മിടിച്ചുകൊള്ളണമെന്നില്ല..

അയാൾ ചിലപ്പോൾ സാധാരണയിലും

സാധാരണക്കാരനാവാം,

നിർഗുണപരബ്രഹ്മം..

അതുകൊണ്ട്, കവിത വായിക്കുക..

എന്നിട്ട് കവിയെ  എന്നെന്നേക്കുമായി

അങ്ങ് മറന്നേക്കുക..

ഇനി എന്നെങ്കിലും കണ്ടുമുട്ടിയാൽത്തന്നെ

അയാളിൽ ഒരു കവിഹൃദയമോ

കാമുകച്ഛായയോ തിരഞ്ഞുചെല്ലാതിരിക്കുക,

അയാളെ വെറുതെ വിടുക..

അയാൾ,അയാളുടെ ലോകത്തിരുന്നു 

കവിതകൾ എഴുതട്ടെ ...

നീ ഒരിക്കലും തുറന്ന പുസ്തകമാവരുത് (കവിത )

നീ ഒരിക്കലും തുറന്ന പുസ്തകമാവരുത് 

ആർക്കും എപ്പോഴും എത്ര അകലത്തിലായാലും 

നിന്നെ വായിക്കുന്ന രീതിയിൽ 

തുറന്നു വെച്ച് കൊടുക്കരുത് നിന്റെ ജീവന്റെ പുസ്തകം.

നീ തുറന്നു കൊടുത്താൽ 

നിന്റെ അനുവാദമില്ലാതെ കടന്നു വരാം    

നിന്നെ അവരുടെ  രീതിൽ  മാത്രം  വായിച്ചെടുത്ത് 

നിന്നെയും മറി കടന്നിരിക്കും 

പുതിയ വൻകരകൾ തേടി പോയിരിക്കും.

നീ പോലും അറിയും മുൻപേ ...

നീ തുറന്നു പുസ്തമാകണം  

നിനെ വായിക്കാൻ അതിസാധാരണ അഗ്രഹത്തോടെ 

വരുന്നവരുമുന്നിൽ മാത്രം.

തുറന്നിരിക്കുന്നത് ആരും എള്ളുപ്പം നോക്കി വായിക്കും.

തുറന്നു വായിക്കുന്നവർ ഹൃദയ മർമ്മരം തൊട്ടു അറിയുന്നു  

ആഘാതദുഃഖം (കവിത )

ഒന്നാം ക്ലാസിൽ 

എല്ലാവരും ജയിച്ചപ്പോൾ 

ഞാനും കടന്നു കൂടിയതിൽ 

ആനന്ദാശ്രുപൊഴിച്ചതോന്നുമല്ല 

ശരിക്കും ഞാൻ കരയുന്നതാ

ണ്  

ഞാൻ ആദ്യമായി 

തറ,പന,പറ എന്നത് 

സ്ലേറ്റിലെഴുതിയത് 

എന്റെ മഷിതണ്ട് മോഷ്ട്ടിച്ചു  

സ്ലേറ്റ്‌  മായ്ച്ചുകളഞ്ഞ ചെക്കനെയും 

മാഷ് 

ജയിപ്പിച്ചിരിക്കുന്നു

ആ സങ്കടംകൊണ്ടാ ഞാൻ കരയുന്നത് 

ശരിക്കും സങ്കടമുണ്ട് 

സത്യം ഞാൻ വെറുതെ പറയുന്നതല്ല

എന്നാലും എല്ലാവരെയും  ജയിപ്പിച്ചാലും

അവനെ തോൽപ്പിക്കാമായിരുന്നു   

മഹാദുഷ്ട്ടനാ മാഷ് .... 

 

കവിതകൾ 21

അറിയാതെ നീ 

പോയേക്കാം

നിന്നിൽ നിന്ന് ഒരു നോട്ടം

കൊതിച്ചേക്കാം

എന്നാലും 

കണ്ടിട്ടും കാണാതെ,

അറിഞ്ഞിട്ടും അറിയാത്ത ഭാവത്തിൽ 

നീ കടന്നു പോകുമ്പോൾ 

നീ അനുഭവിക്കുന്ന 

വേദനയില്ലേ 

അതാണ്‌ എന്നെ കൂടുതൽ 

സങ്കടപ്പെടുത്തുന്നു .

---------------XXXX---------------

നിന്നെ വായിച്ചവരിലധികവും
നിന്നെക്കാൾ ദുരന്തം പേറുന്നവരാണ് 
എന്നിട്ടും 

എന്തിനാന്നു ഇത്ര മാത്രം ദുരിതം 

നീ ആവിഷ്കരിക്കുന്നു

---------------XXXX---------------

നിന്റെ കിനാവിന്റെ

ജാലകം അടച്ചു വെക്കൂ 

മുൻപേ തള്ളി തുറന്നു വന്നവർക്ക് 

വീർപ്പ് മുട്ടുന്നുണ്ട്

---------------XXXX---------------

നിന്റെയൊരു നോട്ടം 

മതിയാവും പെണ്ണെ 
എഴന്നാകാശം വരെ 

കയറിയിറങ്ങി തിരിച്ചു വരാൻ....

---------------XXXX---------------

നീ എന്നെ കാണാതിരിക്കാൻ കണ്ണ് അടക്കുന്നു ഞാൻ 

കവിതകൾ 20

ഐസ് മിട്ടായിക്കാരന്റെ

 മണിയൊച്ചക്കും

എനിക്കുമിടയിലെ തോട്ടിൽ 

വീണു കാണാതെ പോയ 

അമ്പതു പൈസ നാണയ തുട്ടിലെക്കാണ് 

ഐസ് ബെർഗ് പോലെ ഞാൻ ഉരുകി തീർന്നത് 

-------------XXX-------------

മാറുന്നവരുടെ മുന്നിൽ  മാറാതിരിക്കൂ 

മാറി പോയവർ മാറി വരുംവരെയെങ്കിലും  

-------------XXX-------------

അകലേക്ക് നോക്കുന്നവർ 

അടുത്തത്‌ അറിയുന്നില്ല

-------------XXX------------- 

എത്ര തൊലിച്ചാലും 

എത്ര കണ്ണ്നീർ വീണാലും 

വീണ്ടും വീണ്ടും തോലിച്ചുകൊണ്ടിരിക്കാൻ 

തോന്നുന്ന ഉള്ളി പോലെയാണ് പ്രണയം NB:പക്ഷെ ഉള്ളു പൊള്ളയാണ്‌

-------------XXX-------------

നിന്റെ നിസാരതയുടെ 

സീമയിൽ തന്നെ 

പണിതു തീർക്കണം 

എന്റെ കൗതുക പീലി കൊട്ടാരം 

-------------XXX-------------

നീ നിന്നിൽ കണ്ടെത്താത്ത കാലത്തോളം 

എന്നെ എവിടെയും  തിരയരുത് !

കവിതകൾ 19

ദാഹിക്കുമ്പോൾ 

നാരങ്ങസോഡ കുപ്പിയെ മാത്രം 

ഓർത്തിരുന്നവനെ  

നീയെത്ര പഴഞ്ഞാനായെന്നു 

പുച്ഛത്തോടെ നോക്കുന്നുണ്ട് 

ഒരു പെപ്സി ബോട്ടിൽ .

---------------XXXXX---------------

പറയൂ പറയൂ ഞാൻ കേൾക്കാം 

പറഞ്ഞതോ മുഴുവൻ ഞാനും

---------------XXXXX---------------

ചുംബനം ചോദിച്ചവളോട്

പ്രണയത്തിന്റെ ആദ്യ പാപം

 പറഞ്ഞു കൊടുക്കരുത് 

നിന്നെ നരകത്തിന്റെ  

പ്രവേശനകാവാടത്തിലുരുത്തി

സ്വരഗ്ഗത്തിലെ ഏദൻതോട്ടത്തിലെ 

അപ്പിൾ പറിച്ചു തരാം  .

---------------XXXXX---------------

നിന്റെയൊരു നോട്ടം

 മതിയാവും പെണ്ണെ 
ഏഴാന്നാകാശം വരെ 

കയറിയിറങ്ങി തിരിച്ചു വരാൻ....

---------------XXXXX---------------

അവനവനോട് തന്നെ ചെയ്യാൻ 

സാധിക്കുന്ന ഏറ്റവും വലിയ

 സഹന സമരമാണ് പ്രണയിക്കുക 

കവിതകൾ 18

​

ചി

​​

ല മൌനങ്ങൾ ഉടക്കാതെ 

മനസ്സിൽ സൂക്ഷിക്കണം 

നിന്നെ ഉൾകൊള്ളാൻ 

​

തക്കവണ്ണ

​മൊ

രു വൻകരയും 

വളർന്നിട്ടില്ല.

-------------------XXXXXX-------------------

​

എന്റെ പരിഭവങ്ങളുടെ 

പരാതിക്കെട്ടുകൾ

നിന്റെ നിസംഗതയുടെ 

പാറപ്പുറത്താണ് ഉണക്കാൻ 

വിരിച്ചത് 

-------------------XXXXXX-------------------

​

നിന്നെ ആരു സ്വീകരിക്കുമെന്നല്ല പെണ്ണെ 

നി ആരെ സ്വീകരിക്കുമെന്നാണ് തർക്കം  

-------------------XXXXXX-------------------

​

നിന്റെ ആകാരവടിവിലെ 

രൂപപരിണാമഭംഗിയിലല്ല 

എന്റെ ഹൃദയംഉടക്കിനിൽക്കുന്നത്  

നിന്റെ അമൂർത്തമായ 

അദൃശ്യസാന്നിദ്ധ്യത്തിലാണ്

-------------------XXXXXX-------------------

​

നിശബ്ധത ഭേദിക്കുന്ന 

നേരത്ത ശബ്ദമാണ് ഏറ്റവും അലോസരം 

-------------------XXXXXX-------------------

​

ശാന്ത സമുദ്രമേ തുഴഞ്ഞു തുടങ്ങിക്കോള്ളൂ

പ്രണയ ഭാരമില്ലാതെ ഞാൻ ഒഴുകി തുടങ്ങിയിരിക്കുന്നു

-------------------XXXXXX-------------------

​

പടർന്നു കയറുവാൻ നിന്ന് കൊടുത്തിട്ടല്ലേ മരമേ ..

നക്കി തുടച്ചു തീർക്കും മുൻപ് 

നിന്നിലൊരു ഇളംപച്ചിലയെങ്കിലും 

മുള പൊട്ടില്ലേ ?

ഒരു കൊടിയടയാളം പോലെ ...

-------------------XXXXXX-------------------

​

ഒന്നിൽ നിന്ന് മറ്റൊന്നിലേക്ക്‌  കത്തി പടരുമ്പോഴും  

ആദ്യത്തെത് എറിഞ്ഞു തീരുന്നില്ലല്ലോ നീ  ..

 

ഇപ്പോള്‍ വായിക്കുന്നത് (​കവിത ​)

ഇപ്പോള്‍ വായിക്കുന്നത് 

എന്റെ കഥയാണ് 

എന്റെ ദേശത്തിന്റെ കഥയാണ് 

കേട്ടെറിഞ്ഞും

കണ്ടു വായിച്ചും

നിന്റെ കണ്ണുകളിലൂടെ 

വളര്‍ന്നു വളര്‍ന്നു 

ഹൃദയത്തില്‍ അലിഞ്ഞലിഞ്ഞു 

ബീജത്തിലൂടെ പടര്‍ന്നങ്ങനെ അങ്ങനെ ...

എപ്പോയെങ്കിലും 

നിന്നെയും നീ വായിക്കുബോള്‍ 

എന്റെ കഥയും ഒരാവര്‍ത്തികൂടി നമ്മള്‍ വായിക്കുന്നു

ആദ്യ പാപം

ചുംബനം ചോദിച്ചവളോട്
പ്രണയത്തിന്റെ
ആദ്യ പാപം പറഞ്ഞു കൊടുത്തവനേ  ...
നിന്നെ നരകത്തിന്റെ
പ്രവേശനകാവാടത്തിലുരുത്തി
സ്വരഗ്ഗത്തിലെ ഏദൻതോട്ടത്തിലെ
അപ്പിൾ പറിച്ചു  തരാം  .

പഴയത് (കവിത)

പഴയ വേരുകൾ ചികഞ്ഞു പോകുമ്പോൾ
മൌനമായി പോവുക.
ബഹളമരുത്,തിടുക്കമരുത്
നിഴലിന്റെ നിർവികാരതയോടെ മാത്രം ...
പരാതിയിലും പരിഭവത്തിലും
പരിഭ്രമിക്കരുത്
നിശബ്ദമായി കേൾക്കുക
ഉത്തരങ്ങൾക്കിവിടെ സ്ഥാനമില്ല
അല്ലെങ്കിലും
നിന്റെ ന്യായീകരണത്തിൽ
തൃപ്തരല്ലവർ .
ഉറകുത്തി വീഴുമ്പോഴും
കൂട്ടുപിരിയാതെ പിണഞ്ഞു
കിടക്കുന്ന ഉരഞ്ഞനാരുകൾ
നിന്റെ കൈ വിരലുകളെ-
വരിഞ്ഞു മുറുക്കിയേക്കാം
നിനക്ക് നോവുന്നോ?
എന്നിരുന്നാലും
ഒന്നുമില്ലെന്ന ഭാവത്തിലിരിക്കുക
നിന്റെ നാട്യം കാണാൻ അവർക്ക്
താല്പര്യമുണ്ടാവില്ല.
കുളവും കുളക്കടവും കണ്ടാൽ
അവിടെയിരിക്കുക
നീന്താൻ തോന്നുന്നുണ്ടോ ?
മണ്ണിലലിഞ്ഞ ജഡത്തിന്റെ
തണുപ്പൂറി ജലത്തിൽ
ഉറഞ്ഞു കിടക്കുന്നുണ്ടാവും
ഇത് നിന്റെ സ്വിമ്മിംഗ് പൂളിലെ
നീലിമയല്ല,
ശിതീകരിച്ച ജലത്തെക്കാൾ
ഓർമ്മപായലിന്റെ ഇരുണ്ടപുകമറയാണ്
വേണമെങ്കിൽ മുങ്ങി നിവരാം,അത് മതി
പനി വരും
വസൂരിയോ മഞ്ഞപ്പിത്തമോ
പറങ്കിപുണ്ണ് കൊണ്ടോ,
പുഴുത്തു ചത്തവരുടെകാലമല്ലയിത് ,
അവസാനം തിരിച്ചു പോരുമ്പോൾ
വേണെമെങ്കിൽ ഒന്നുരണ്ടു
ഫോട്ടോ കൂടിയെടുത്തോളൂ
നിന്റെ പേരമക്കളെ
പാരമ്പര്യത്തിന്റെ ജീർണ്ണതയിലേക്ക്
തള്ളിയിടാം
തിരിച്ചു നടക്കാൻ നേരമായി
'നീ ഇതു വരെ കണ്ടതല്ല
കാണാനിരിക്കുന്നതാണ് ജീവിതം '
പശ്ചാത്തലത്തിൽ മഴക്കോളു പ്രതീക്ഷിച്ചോ?
ഇല്ല,മഴ പെയ്തില്ല
മഴയങ്ങനെയാണ് ,ഇത് സിനിമയല്ലല്ലോ
എന്നിട്ടും
ഈ നശിച്ച മഴയും നരച്ച ഓർമകളും
മാത്രം നീ കൂടെ കൊണ്ട് പോകുന്നു  .

ഹോണുകൾ (കവിത)

വാഹനമോടിക്കുമ്പോൾ
ഡ്രൈവരുടെ ഉച്ച ഉച്ചഭാക്ഷ്ണിയാണ്
ഹോണുകൾ

ഡാ വഴിമാറൂ,
ദേ പോകുന്നു,
ദാ വരുന്നു,
വഴിയാത്രക്കാരനോടും
വഴിവക്കിലെ പരിചയക്കാരനോടും
എതിരെ പോകുന്ന വാഹനങ്ങളോടും
ഡ്രൈവർ നിരന്തരം
അത്യുച്ചത്തിൽ
അലറിക്കൊണ്ടിരിക്കും.

എന്നിരുന്നാലും
വിജനപാതയിൽ
അസമയത്ത് ചില ഹോണുകൾ
വിലപിക്കാറില്ലേ ?

എന്തിനായിരിക്കും
ഡ്രൈവർമാർ ഇത്രമാത്രം
ഒച്ചവെച്ചുകൊണ്ടിരിക്കുന്നത് ?

ഇരട്ടപേര് (മിനിക്കഥ ?)

      എന്റെ നാട്ടിൽ പൂമ്പാറ്റയെ പോലെ പാറി പാറി നടക്കുന്ന ഒരു പെണ്‍കുട്ടിയുണ്ടായിരുന്നു . തക്കാളിപോലെ ചുവന്നു തുടുത്ത കവിളുകളുള്ളത് കൊണ്ടാണോയെന്നു അറിയില്ല, ഞങ്ങൾ അവളെ " തക്കാളി എന്ന് ഇരട്ടപേര് വിളിച്ചു കളിയാക്കുമായിരുന്നു.അങ്ങനെ വിളിക്കുന്നത് അവൾക്ക് തീരെ ഇഷ്ട്ടമായിരുന്നില്ലെന്നു മാത്രമല്ല എപ്പോൾ വിളിച്ചാലും എന്തെന്നില്ലാത്ത ദേഷ്യം ആ മുഖത്ത് ഇരച്ചു കയറി കവിളുകൾ വീണ്ടും ചുവന്നു ശരിക്കും തക്കാളി പോലെയാവും എന്നാൽ എവിടെ വെച്ച് വിളിച്ചാലും ഏറ്റവും കുറഞ്ഞത് "പോടാ'യെന്നെങ്കിലും പ്രതികരിക്കാതെ അവൾ അടങ്ങിയിരിക്കില്ല  .പക്ഷെ അവളെ ശുണ്ടി പിടിപ്പിക്കാനും ആ മുഖത്തെഭാവമാറ്റം കാണാനും അവളുടെ"പോടാ'യെന്ന് " വിളി കേൾക്കാനും വേണ്ടി മാത്രം അവളെ ഞങ്ങൾ  തക്കാലിയെന്നെ വിളിക്കൂമായിരുന്നു.അത് കേൾക്കാൻ തന്നെ ഞങ്ങൾക്ക് വെറുതെ എന്തോയൊരു രസമായിരുന്നു .

       വർഷങ്ങൾ കടന്നു പോകവേ ഞങ്ങളും അവളും വളര്ന്നു വലുതായി .അങ്ങനെയിരിക്കെ ഒരു ദിവസം ഞങ്ങളിൽ നിന്ന് ആരോ അവളെ തക്കാളിയെന്ന് വിളിച്ചപ്പോൾ അവളിൽ ഒരു പ്രതിഷേദവുമില്ല .അവള്ക്ക് ദേഷ്യം വന്നു മുഖം ചുവന്നില്ല'പോടാ'യെന്ന വിളിയില്ല പകരം അവൾ നാണത്തോടെ വെറുതെ നിന്ന് ചിരിക്കുക മാത്രംചെയ്യുന്നു.അവൾ ഒരു നന്നുത്ത പുഞ്ചിരിയോടെ തല താഴ്ത്തി നില്ക്കുന്നു .അത് വരെ കണ്ണാത്ത ഒരു ഭാവം അവളിൽ കണ്ടവർ അങ്ങനെ "വിളിച്ചു പോയല്ലോ"എന്ന് വൈക്ലബ്യത്തോടെ,ഞങ്ങൾ അവളുടെ മുന്നിൽ ചൂളി നിന്നു.

      അതിനു ശേഷം ആരും ഇത് വരെ അവളെ അങ്ങനെ തക്കാളിയെന്നു വിളിച്ചിട്ടില്ല . അവൾ എന്തിനാണ് അന്ന് അങ്ങനെ പുഞ്ചിരിച്ചതെന്നു എനിക്ക് അജ്ഞാതമായിരുന്നു.

Note:ഇരട്ടപേര്  (മിനിക്കഥ ?)

കവിതകൾ 17

ഒരു മരമാകുമോ നീ ?
ഞാന്റെഹൃദയത്തിൽ നടാം !

Off Note : ഒരു മരം, എന്റെ ഹൃദയത്തിൽ മാത്രം വേരുകളാഴ്യാത്തിയ വന്മരം

കവിതകൾ 16

ഗൗരവം
----------
കാര്യഗൗരവത്തെ 
മുഖയാഭരണമാക്കിയണിഞ്ഞു 
ഉള്ളിന്റെ ഉൾ അറയിൽ 
ഒരാൾക്ക് എത്ര കാലം 
ഒളിഞ്ഞു കഴിയാൻ സാധിക്കും ?
അവനവനാവാൻ 
കഴിയാത്തവന്റെ 
ഒരു നെടുവീര്‍പ്പ് കൊണ്ട് 
ദയനീയ ചിത്രം കണ്ണുകളിൽ 
നിഴലിക്കുന്നത് വരെയെങ്കിലും ...

കവിതകൾ 15

ശരിയായദിശയില്ലെന്ന് 
ധരിക്കുന്നവരുടെ 
പാതയിൽ 
തെറ്റിധാരണയുടെ 
ഫലകങ്ങൾ 
അങ്ങിങ്ങ് പതിച്ചു 
വെച്ചിരിക്കുന്നുണ്ടാവും 
പക്ഷെ 
അവരവരുടെ നേർരേഖയിൽ
വിഘ്നങ്ങൾ സംഭവിക്കാത്തവരാണ് 
ആ പാതയുടെ 
പുനർനിർമ്മതാക്കൾ

കവിതകൾ 14

എഴുതി തീർക്കേണ്ട കുപ്പിയിലെ മഷി 

ഒറ്റതട്ടിൽ മറിച്ചു കളയുന്നത് ,ആത്മഹുതി