Ind disable

2008, ഡിസംബർ 31, ബുധനാഴ്‌ച

ഓ ഡിസംബര്‍

അല്ലയോ ഡിസംബര്‍ ,
നിന്റെ മടിത്തട്ടിലല്ലയോ എന്നെ ഏറ്റു വാങ്ങിയത് ..
നിന്റെ മഞ്ഞു പാളിക്കളല്ലയോ എന്നെ എതിരേറ്റത്‌ ..
എന്റ്റെ പുഞ്ചിരിയില്‍ നീയും പൊട്ടി ചിരിച്ചു ..
എന്റ്റെ പൊട്ടികരച്ചിലില്‍ നീയും കരഞ്ഞു .

എന്റ്റെ ജനനം,
ഒരു കാലിതൊഴുത്തിലല്ലെങ്കിലും,
ഒരു പുല്‍ നാവിന്റ്റെ നൈര്‍മല്യമില്ലെങ്കിലും ,
ഒരു പൂവിനിന്റ്റെ സൗന്ദര്യമില്ലെങ്കിലും,
ആകാശത്ത് താരകങ്ങള്‍ മണ്ണിലിറങ്ങിയില്ലെങ്കിലും,
മാലാഖമാര്‍ വാഴ്‌ത്തി പാടിയില്ലെങ്കിലും ,
മര്‍ത്ത്യര്‍ക്ക് പ്രത്യാശ കിരണങ്ങളായില്ലെങ്കിലും ,
ഈ ഞാനും ഭൂമിയില്‍ ഊര്‍ന്നിറങ്ങിയതും--
അല്ലയോ ഡിസംബര്‍ നിന്റെ മാറിടത്തിലല്ലയോ ?.

എന്റെ നിഷ്കളങ്കതയില്‍ മായം ചേര്‍ത്തതും ,
വര്‍ഷ പുലരികളില്‍ എന്റ്റെ മരണത്തെ ഒരുമിപ്പിച്ചതും ,
നാളെയുടെ വേരുകള്‍ കിരണങ്ങളായി പെയ്തിറങ്ങിയതും ,
ഇന്നലെയുടെ അഭിലാഷങ്ങളും മോഹങ്ങളും ചിറകെരിഞ്ഞു വീഴുന്നതും
നിന്റെ ശൈത്യമാം പ്രഭാതങ്ങളിലല്ലയോ ?..

ഒരിക്കലും മറക്കാത്ത ഡിസംബര്‍,ഒരിക്കലും മരിക്കാത്ത ഡിസംബര്‍!.
എന്റെ കുമിളകളെല്ലാം ജീവിതത്തില്‍ ഇനിയും വിരുന്നു വരുമെന്ന പ്രതീക്ഷയില്‍ ..
നിന്റെ ഇല പൊഴിയും ശിശിരത്തില്‍ ഒരു ഇലയായി പോഴാന്‍ --
എന്റ്റെ അന്ത്യ കൂദാശയില്‍ എന്റെ കണ്ണുകള്‍ നിന്നെക്കായി തേടും.

ഓ ഡിസംബര്‍ ഞാന്‍ നിന്നെ മാറോടണക്കട്ടെ !
നീ ഇല്ലാതെ ഞാന്‍ ഇല്ല ..നീ ഇല്ലാതെ ഒരു കാലവും ഇല്ല!!

10 അഭിപ്രായങ്ങൾ:

  1. നല്ലൊരു പുതു വര്‍‌ഷം ആശംസിക്കുന്നു

    സസ്‌നേഹം
    ബാജി ഓടംവേലി

    മറുപടിഇല്ലാതാക്കൂ
  2. നന്‍‌മകളുടേയും സന്തോഷങ്ങളുടെയും പുതുവര്‍ഷം പിറക്കട്ടെ.

    മറുപടിഇല്ലാതാക്കൂ
  3. പുതുവര്‍ഷതിന്ടെ വഹ ഒരു ആശംസ.
    ഡിസംബറിന്റെ കഥ കേള്‍ക്കാന്‍
    http://manjaly-halwa.blogspot.com

    മറുപടിഇല്ലാതാക്കൂ
  4. നന്നായിരിക്കുന്നു...ഞാനും ഒരു ഡിസംബര്‍ പുത്രി.....

    മറുപടിഇല്ലാതാക്കൂ
  5. അങ്ങനെ ഒരു ഡിസംബറും കൂടി പൊഴിഞ്ഞു വീഴുന്നു.... നല്ല വരികള്‍....

    മറുപടിഇല്ലാതാക്കൂ
  6. മനോഹരമായിരിക്കുന്നു ഡിസംബറിന്റെ പുത്രാ....

    ഓരോ വർഷം അവസാനിക്കുമ്പോഴും കഴിഞ്ഞതൊക്കെ ഓർമ്മിപ്പിക്കുന്നു ഈ ഡിസംബർ. ഡിസംബർ ഓർമ്മകളുടെ കാലമാണ്. ചിതലരിച്ച് തുടങ്ങിയ ഓർമ്മത്തുട്ടുകൾ പെറുക്കിയെടുക്കുന്ന മാസം.

    വൈകിയെങ്കിലും നന്മയുടേയും സ്നേഹത്തിന്റേയും പുതുവർഷം ആശംസിക്കുന്നു.

    പിറന്നാളാശംസകളും......

    മറുപടിഇല്ലാതാക്കൂ
  7. ഒരിക്കലും മറക്കാത്ത ഡിസംബര്‍,ഒരിക്കലും മരിക്കാത്ത ഡിസംബര്‍....
    ശരിയാണു...നന്നായിട്ടുണ്ടു.

    മറുപടിഇല്ലാതാക്കൂ
  8. ബാജി ഓടംവേലി ,poor-me/പാവം-ഞാന്‍ , ഏകാന്തതാരം,ശിവ ,നരിക്കുന്നൻ ,Sapna Anu B.George ,jyothirmayi

    otta vaakil thanks

    മറുപടിഇല്ലാതാക്കൂ
  9. അജ്ഞാതന്‍2009, ജനുവരി 30 6:53 PM

    ഒരു ബ്ലോഗ് അഡ്മിനിസ്ട്രേറ്റർ ഈ അഭിപ്രായം നീക്കംചെയ്തു.

    മറുപടിഇല്ലാതാക്കൂ